Smáauglýsing dagsins úr Fréttablaðinu:

Óska eftir söluráðgjöfum um land allt.
Aloa Vera gelið fína
það ver og græðir húð og hár
Unique nýja förðunarlínan
yngir þig upp um all mörg ár
hærri tekjur meiri vinna
já eða bara aukavinna
hafðu samband ég skal þér sinna.
Alma Axfjörð sjálfst. söluráðgjafi
og hópstjóri... o.s.frv.

Múhahaha!

Skröggur minn bauð mér á stefnumót á föstudaginn, ég held að ég sé ekki að ljúga því að þetta hafi verið annað formlega stefnumótið okkar... Við fórum á Austur Indía fjelagið og síðan að spila pool. Gaman að fara á deit.
Kermit er orðinn algjör sérvitringur. Hann vill endilega vera á bak við bækurnar í bókahillunni en ég vil ekki að hann sé þar. Það verður sífellt erfiðara að ná honum þaðan, fyrst hljóp hann bara undan mér, síðan byrjaði hann að garga á mig og síðast beit hann mig í puttann. Ég er samt ekkert alveg brjáluð við hann, bara fegin að hann sé farinn að sýna smá karakter!
Stelpugrís kom heim úr útlegð í gærkvöldi, flaug með sömu vél og tveir kvenráðherrar. Heh talandi um ráðherra þá dreymdi mig um daginn að ég hefði endilega viljað fá Dabba kóng til að eyða aðfangadagskvöldinu með okkur... hann kom svo karlgreyið með gjafir og allt en leit ennþá frekar laslega út! Hvað á þetta eiginlega að fyrirstilla... ég hef aldrei þolað manninn og það sem hann stendur fyrir (svona ef það hefur farið fram hjá einhverjum!).
Er að tapa mér því ég er að bíða eftir mikilvægum tölvupósti... sama hvað ég kveiki og slekk oft á tölvunni þá bara kemur hann ekki...