Í skólanum í skólanum er skemmtilegt að vera... sérstaklega þegar dagurinn byrjar með prófi, í næsta tíma kynnir maður verkefni þegar maður hélt og var búinn að undirbúa að maður ætti að kynna grein, svo er tími hjá kennara sem vissi ekki að hann ætti að vera að kenna á þessum tíma svo það þurfti að hringja í hann og í síðasta tíma kynnir maður hópverkefni sem maður vann einn. Og hvað eru mörg "maður" í því? En það er samt gaman að vera í skóla, hitta allt skemmtilega fólkið, baktala vitlausa kennarann og svona. Og svo gekk allt vel þrátt fyrir klúður, enda er maður vanur að bjarga ýmsu fyrir horn eftir að hafa unnið með óútreiknanlegu fólki í langan tíma.
Já, það er bara gott að vera til í dag og örugglega að mestu leyti vegna þess að sólin skín. Það þarf ekki meira til að mér finnist ég geta allt. Reyndar virkar hæfilegt magn af áfengi á sama hátt... en ef ég þyrfti að velja sól eða bjór þá gæti ég ekki annað en sagt... æji bæði! En núna er ég alveg sátt við að hafa bara sól af bumbulegum ástæðum.