Ó ó! Svínið ég er búin að troða í mig heilum ópalpakka og afleiðingarnar eru skelfilegar... mér hefur þó enn tekist að koma í veg fyrir útrás eitraðra gastegunda því maður fretar ekki á almannafæri og sérstaklega ekki í loftlausri kennslustofu!
Var í alveg hrikalega skemmtilegum fyrirlestri um lyfjafræði. Kennarinn fór alveg á kostum, þegar einhver var að leka niður kom hann með brandara svo allir lágu í kasti. Svona eiga kennarar að vera. Er samt ekki alveg viss um að ég vildi vera sjúklingurinn hans því hann talaði t.d. um "helvítis kerlingu sem var næstum búin að eyðileggja nokkurra milljón króna scope því hún gnísti svo tönnum!" Þessi fyrirlestur hafði meira skemmtigildi en allir spaugstofuþættirnir til samans :)
Í dag gerðust þau stórtíðindi að bíllinn góði seldist og því er ekkert að vanbúnaði að fara að fjárfesta í barnavagni. Kannski komum við skötuhjúin við í Fífu á eftir... gaman gaman