Allamalla, málstofuverkefnið búið og við komumst stórslysalaust frá því og fengum meira að segja nokkuð góð viðbrögð. Nú get ég gónt út í loftið í skólanum það sem eftir er vikunnar...
Í dag sáum við myndbönd þar sem tveir vinir með alvarlega þroskahömlun lágu saman í hengirúmi og höfðu tjáskipti. Eða það sagði kennarinn. Það sem ég sá út úr þessu var að þarna væru tveir guttar sem hafði verið potað saman í hengirúm þótt þeir þyldu ekki hvorn annan, en það skýrði það að annar rumdi og hinn gólaði á meðan þeir börðu hvorn annan í hausinn með tómri gosflösku og öðru drasli sem hafði verið hrúgað ofan á þá...
Á morgun er skólapartí og þá ætla ég að opna rauðvínsflöskuna sem Skröggur færði mér úr tollinum. Ammm.....