Alveg var ég nú búin að gleyma því að fyrir tæpu ári sat ég sveitt við að lesa undir próf í inngangi að uppeldisvísindum. Ég var sérlega pirruð yfir að þurfa að lesa um Aristóteles, Plató og fleiri karla sem voru uppi í fornöld, og skildi ekki hvað ég sem þroskaþjálfi þyrfti að vita um þá. Til að fá útrás fyrir pirringinn bjó ég spurningu og sendi Vísindavefnum. Þetta allt rifjaðist upp fyrir mér þegar ég kíkti á tölvupóstinn minn í gær... það er nefnilega komið svar!