Ég er að fá felmturskast. Námskeiðslýsingin í þroskaþjálfafræði og vinnubrögðum II og vettvangsnám - heildræn þjónusta er átta blaðsíður af verkefnalýsingum. Hvernig á ég að komast í gegnum þetta? Ég skil ekki einu sinni öll orðin þarna. "Fjallað er um faglegt hlutverk þroskaþjálfa við þróun, skipulagningu og útfærslu heildrænnar og fjölþættrar þjónustu sem tekur mið af opinberum kröfum um gæði og faglegu sjónarmiði fagstéttarinnar og svarar einstaklingsbundum þörfum hins fatlaða." Ég skil ekki stakt orð í þessu. Enda er orðaforðinn sjálfsagt orðinn ansi takmarkaður af því að vinna hálfan daginn með fólki sem notar "óhefðbundnar tjáskiptaleiðir" og eyða restinni með tæplega tveggja ára barni og unglingi sem talar sem minnst við fullorðna.
Skröggur kom heim um helgina en hann gat ekki málörvað mig mikið því ég var svo þreytt eftir fjarveru hans að ég bara svaf...
jájá þetta er meme.
2 ummæli:
allt í góðu mín kæra, ég skil þetta ekki heldur (ekki að ég sé að setja mig á háan hest neitt!:D). þetta heitir orðagjálfur held ég barasta... og þýðir að þú átt að koma og gera rosalega frábært verkefni með mér ;)
og svo anda inn ... og út...
Iss, þú ert alger ofurkona og massar þetta með vinstri!
Skrifa ummæli