Við erum sko búin að fatta hvað tefur barnið. Það er ekki búið að finna á það nafn. Við Skröggur vorum eins og persónur úr sagnfræðitrylli þar sem við hlupum inn á bókasafnið fimm mínútur yfir fimm, laumuðum okkur í lyftuna og upp á þriðju hæð. Þar vorum við stöðvuð af ákveðnum bókaverði sem bannaði okkur að fara lengra. En það stöðvar enginn litla konu með bumbu svo á endanum hlupum við út með Nöfn Íslendinga í fanginu rétt áður en skellt var í lás.

Ansi væri þægilegt ef börnin kæmu merkt með nafni í heiminn...