Í dag er miðvikudagur... förum við í göngutúúúr? Nei við förum ekki neitt því við ætlum að klára ritgerðina okkar í dag...

Í gær fékk ég vottorð og í dag er ég skrýtin því ég er ekki að fara að vinna meira í Seli Jöklanna. Já það er bara voða skrýtið þótt ég hafi haft langan tíma til að undirbúa mig andlega! Nú sé ég fram á mikla einangrun þar sem ég ligg eða sit eins og klessa hér heima og sé ekki framan í nokkurn mann nema fjölskylduna og kannski afgreiðslufólkið í Melabúðinni þegar ég fer og kaupi mér hjónabandssælu og tyggjó. Svolítið sorglegt.

Annars er allt fínt hérna. Mosi er hress í bumbunni og spriklaði mikið í gær þegar Mónakó rústaði Chelsea í Evrópukeppninni. Mamma vorkenndi mér svo mikið að vera vaxin upp úr fötunum mínum að hún sendi mér fatastyrk og nú bumbast ég um í flottum thai buxum úr Spúútnik. Mig langar aldrei að fara úr þeim, þetta eru bestu buxur í heimi, bleikar í stíl við hárið mitt, og þegar ég held á jarðaberjadrykkjarjógúrt líka er ég langflottust!