Jibbígamangaman, ég dúxaði í þroskaþjálfafræði og er að springa úr monti!
Svaf eins og grjót í nótt og vaknaði svo hress að eftir morgunverkin stikaði ég niður í bæ í góða veðrinu. Fór á Segafredo og sat þar fyrir utan með latte og croissant og horfði á sólina, rónana og túristana. Svo fórum við kreditkort á Laugaveginn og keyptum helstu nauðsynjar eins og linsur, vítamín og Kleifarvatn. Miðbærinn var fullur af fólki og æðisleg stemning. Varla að maður tímdi að fara heim. Þegar ég labbaði heim mætti ég dóttur minni á nýja hjólinu sínu. Hún var á leið í Nauthólsvík með handklæði og nesti. Ég er hins vegar á leiðinni í vinnuna...